كلمات ابكتني كثيرا ولا زلت ابكي لقرآتها دوما

**تاريخ التسجيل** : 20/06/2010

بسم الله الرحمن الرحيم
اللهم صل على محمد وآل محمد

يبه شلونك.........؟؟ :

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..

واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟

اشيلك بداخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..

وعيا لايجي بكرى !!

يبه تذكر زمان مر؟؟

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟يبه تذكر هدايا العيد ؟

يبه تذكر سوالفنا ؟

لاجل هذا ..

وكل هذا ..

اقول اليوم يايبــه ..

ملــــــــــــــل هالكون من دونك

يبه وينك ؟؟ ....

ولهت لنظره من عينك ....

يبه وينك ؟؟

اشوفه طوّل غيابك !! ... و من ودّاك .... ما جابك !!

قالوا ما يدوم الزين !! ... و انا عندي امل للحين ..

و لكني اعرفك وين !!

يبه وينك ؟؟

عسى الداعي يبه بس خير ؟!! عساك بخير .... مداين تكرم لعينك ...

سألت امي عن رجوعك ... ولا كني اعرفك وين !!

و قالت .. ما يدوم الزين !! ... و انا .. عندي امل للحين في رجوعك !!

و انا .. عندي امل للحين في رجوعك !!

و انا .. عندي امل للحين في رجوعك

.... يبه بس تكفى علمني ....

متى رجوعك ؟؟ .... يبه بس تكفى علمني ..

وش احلى من طلوع اثنين ؟؟

طلوع الشمس .... و طلوعك

يبه وينك ؟؟

سألت امي ...... غيابك طال ؟؟

لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟

و كرم قلبك معَ هـالناس .. كل ٍ كان في بيتك ضيف ..

الا يا حيف .... الا يا حيف ..

زمن قاسي .. زمن قاسي ...

اخذ مني بلا رحمه ... اخذ مني اعز ناسي !!

و خلاّ لي سهر هالليل .. في عيني ضيف .. الا يا حيف !!

يبه وينك ؟؟

تعال و شوف ...

كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟

تعال و شوف .. صحيح الدنيا ما ترحم ..

تجرعنا التعب انواع ... و لكن الأمل ما ضاع ..

و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟

انا و اخواني و اخواتي ... معانا عيال حارتنا ..

نلعب في زوايا البيت .. يبه ... والله انا حنيت ..

لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..

حسافه الدنيا ما ترحم ...

خذت منا سعادتنا ... خذتك بعيد .. و خلتنا !!!

يبه امي تذّكرنا ... بأيامك قبل ما تروح ... تناديها.. يا روح الروح ..

تغازلها و تنظر لك .. مثل طفله ... ملامحها عشق مفضوح ...

في ذاك الوقت .. كنا صغار ...

معَ هذا ... كنا نغار ..

عليها .. او بعد منها ... كنا نغار

نحبك يا يبه ... ارجع .. مثل شمس الفجر .. اطلع

حزينه الشمس في غيابك ..

و نفس الحزن في احبابك .. واخاف الشمس من حزني ..

تغيب و ما بعد تطلع !! ..

يبه ارجع !! ... اذا لي خاطر فـ قلبك ..

تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!

يبه سامحني بترخّص ... قبل ينشف حبر الأقلام .. كلامي بعده ما خلّص ..

و لكن موعد الأحلام .. حان ..

ولازم اوفي له.. بعد ما ضاعت الحيله .. اشوفك والوعد باكر !!

اذا فكّر يجي باكر ..!! .. و برجع اسألك وينك !!

بس لازم تجاوبني .. ترى عندي امل للحين !! .. و لا كني اعرفك وين .

وتمضي رحلة الدنيا ... بليا طلة عيونك

لاجل هذا ... وكل هذا ... اقول اليوم يايبه..

ملل هالكون من دونك..

ملل هالكون من دونك..

ملل هالكون من دونك.

الفاتحه لروح والدي الغالي والى اروح المؤمنين والمؤمنات

الدر المنثور ; توقيع العضو

**تاريخ التسجيل** : 01/06/2010

يسلموو اختي الدر المنثور على هذه الكلمات المعبرة والله يتغمد روح والدك في جنات النعيم بحق محمد وآل محمد الطيبين الطاهرين

اسد الشيعة ; توقيع العضو

**تاريخ التسجيل** : 20/06/2010

اللهم صل على محمد وآل محمد

كل شكر لك يا اخي الكريم لحضورك

الدر المنثور ; توقيع العضو

**تاريخ التسجيل** : 18/07/2010

اختي فعلا كلمات راائعه ومؤثره

لا خلا ولا عدم يا الغااليه ..

عاشقة مولاي علي ; توقيع العضو